廣告
星馬泰

【曼谷新酒店2019】超豪華+平民之選!曼谷3間新酒店試住報告

夏天未正式嚟,已經熱到出晒汗,係咪好似提醒大家,係時候享受夏天!對於香港人而言,曼谷係永遠不敗嘅熱門地,一方面係近,而且價錢夠平,至於今次同大家介紹三間去年先開業嘅新酒店,賣點同目標客人各有不同,不妨睇下邊間最啱你心水啦。

情侶之選 行最近商場:瑪文時尚酒店(Moven Stylish Hotel Bangkok)

酒店於去年5月全新開業,雖然位置係有少少尷尬,因為離最近嘅機鐵站Makkasan同MRT站都唔算太近;不過勝在近多個購物中心,例如一個站就到Terminal 21 ;同埋極近新開幕嘅最新大型商場Show DC,5層高新商場有泰式、韓式商店及食店,商場外仲有創意市集,行幾日都唔怕悶!

瑪文時尚酒店上年5月先開業。

頂樓天台泳池係焦點之一。

最細嘅房間都有248尺。

新開商場Show DC,於酒店附近。

入住報告:

舒適度:****(五星為滿)

話明「Stylish」,當然係走型格風格,酒店走藝術風格,有唔少藝術品同飾物;不過酒店其他設施亦一啲唔失禮,最驚喜係頂樓有露天泳池,可以遠眺景色;至於客房賣點係夠大,最細嘅標準房都有248尺,可以話住得舒適。

方便度:***

缺點係位於機鐵站同MRT站之間,離Makkasan站15分鐘、離Phetchaburi約12分鐘,不過好彩酒店有免費Tuk Tuk。

抵玩度:*****

酒店開咗一年都唔夠,但房費極抵,$577連埋稅一晚仲連二人早餐,呢個價錢嚟講真係無得輸。

瑪文時尚酒店

網址:按這裡

市中心新酒店:特蘭茲酒店(Hotel Tranz)

曼谷市中心就係Siam,不過市中心雖然多姿多采,又係不夜天,但缺點就係又嘈又雜,加上酒店都舊舊哋。2個站至Siam,所以今次介紹呢間新酒店就好難得,Hotel Tranz係走細格局精品路線,喺正地鐵站旁邊,交通就一流,不過無乜景觀,最啱係全日出去玩,剩係夜晚返酒店瞓一瞓嘅朋友。

Hotel Tranz走精品酒店路線。

酒店房是是正正,乾淨舒適。

廣告
Click to comment

發表回應

這個網站採用 Akismet 服務減少垃圾留言。進一步瞭解 Akismet 如何處理網站訪客的留言資料

旅人熱話

To Top